Ehsaas-e farz jab bhi huaa neend aa gayee,
Chalna tha pul-saraat pe, bistar pe ja gira.

Baazi Muhabbaton ki jahaalat ne jeet lee,
Wo ban gata khateeb jo Mimber pe ja gira.

Khushboo qasoor-waar nahi, is ko chhor do,
Main phool torte hue khanjar pe ja giraa.

Sehraaon main phirta raha paani ki justajoo liye,
Jab piyaas mar gayee to samandar pe ja gira.

Shehr e talab mai itni hi oqat thi meri,
Sikkay ki tarah dast e gadagar pe ja gira.

Qanoon ne jo dho diya mujrim ki aankh se,
wo dag be gunah ki chadar pe ja gira.

karta hun jama phir jigar-e-lakht-lakht ko
arsa hua hai dawat-e-mizshgan kiye hue

phir waza-e-ehtiyat se rukne laga hai dam
barason hue hain chak gireban kiye hue

phir garmnala haye shararbar hai nafas
muddat hui hai sair-e-charagan kiye hue

phir pursish-e-jarahat-e-dil ko chala hai ishq
saman-e-sadhzar namakdan kiye hue

phir bhar raha hun khama-e-mizshgan bakhun-e-dil
saz-e-chamantarazi-e-daman kiye hue

bahamdigar hue hain dil-o-dida phir raqib
nazara-o-khayal ka saman kiye hue

dil phir tawaf-e-ku-e-malamat ko jaye hai
pindar ka sanam kada wiran kiye hue

phir shauq kar raha hai kharidar ki talab
arz-e-mata-e-aql-o-dil-o-jan kiye hue

daude hai phir har ek gul-o-lala par khayal
sadgulsitan nigah ka saman kiye hue

phir chahta hun nama-e-dildar kholna
jan nazar-e-dilfarebi-e-unwan kiye hue

mange hai phir kisi ko lab-e-bam par hawas
zulf-e-siyah rukh pe pareshan kiye hue

chahe phir kisi ko muqabil mein arzu
surme se tez dashna-e-mizshgan kiye hue

ik naubahar-e-naz ko tak hai phir nigah
chehra furog-e-mai se gulistan kiye hue

phir ji mein hai k dar pe kisi k pare rahen
sar zer bar-e-minnat-e-darban kiye hue

ji dhundta hai phir wahi fursat k rat din
baithe rahen tasawur-e-janan kiye hue

‘Ghalib’ hamain na cher k phir josh-e-ashk se
baithe hain ham tahayya-e-tufan kiye hue